Анксиозност и стрес на наставници во однос на инклузивното образование во редовните основни училишта во државата

Abstract

Инклузивното образование, со оглед на фактот дека зазема сѐ поголема улога и
значење во нашето општество, е предизвик за научното истражување. Проблемот на
истражување е во доменот на психологија во социјална заштита и е специфициран на
утврдување на нивото на анксиозност и стрес на наставниците во однос на
инклузивното образование во редовните основни училишта во државата. Главен
научен метод е дескриптивен метод и корелациски метод.
Од техниките, за собирање на податоци се применија техниките на скалирање
ДАСС и анкетирање на наставници во редовните основни училишта во државата на
тип на едноставен случаен примерок на 104 единици на анализа по електронски пат,
односно он лајн преку апликацијата Гугл Формс. Притоа, добиените податоци упатија
на тоа дека постои умерено ниво на анксиозност и стрес на наставниците во однос на
инклузивното образование во редовните основни училишта во државата.
Во смисла на превенција и унапредување на компетенциите и менталното
здравје на наставниот кадар, се сугерира уште во процесот на едукација да се
вградуваат предмети и пракса која ќе им овозможи подобро снаоѓање со сите
предизвици на инклузивното образование, како и континуирани семинари и обуки за
споделување искуства и амортиазција на сите потенцијални негативни ситуации.

Keywords:

анксиозност, стрес, наставници, основно образование