Интерна контрола – алатка за успешно менаџирање на вработени

Abstract

Meнаџирањето со работните кадри е од големо значење за успешното
придвижување на современите организации. Колку се успешни кадрите во организацијата,
толку е успешен и бизнисот којшто се развива во организацијата. Успехот на кадрите се
мери се воспоставување на стандарди за контрола на работниот учинок на вработените,
кадрите во организацијата кои преку директен контакт со клиентите ја создаваат
добивката на бизнисот. Цел на бизнисот е со контролата на работниот учинок да се дојде
до квалитетни кадри кои на тестовите ќе се покажат како работници со силни работни
перформанси, а кога тоа не се постигнува работниците се заменуваат со цел да се намали
ризик факторот на организацијата.
Контролата претставува процес кој е насочен кон проверка во сите сфери на
работните активности, споредување на остварените резултати со поставените стандарди,
утврдување на разликите меѓу нив, како и преземање на потребните корективни акции за
отстранување на отстапувањата. Таа е секојдневна активност, како на субјектите на
менаџментот, така и на специјализираните организациски единици или индивидуални
професионални личности. Во основа контролата треба да претставува клучна
детерминанта за успехот во целокупното работење, затоа е потребно процесот на контрола
да биде дефиниран со поставувањето на целите кон кои се стреми компанијата. Во тој
поглед умереноста треба да биде главна карактеристика на системот на контрола и истиот
да претставува мотивирачки поттик на сите менаџери и вработени, кој реално ќе укажува
како на позитивните активности и резултати, така и на евентуалните грешки при
работните активности, однесувањата и резултатите на работењето.

Keywords:

контрола, менаџмент, менаџер, работни услови, претпријатие