Превенција на малолетничката деликвенција

Abstract

Организираните и индивидуалните форми на однесувањето на децата кои ги
нарушуваат општоприфатените правни и морални вредности во општествената
заедница, манифестираат растечки тренд во последните неколку години наназад. Денес
малолетничката деликвенција има поголем удел во севкупниот криминал од порано, а
во исто време се карактеризира со исклучително брза динамика на раст и квалитативно
нови и многу потешки облици на прекршување на заштитените општествени добра.
Ваквите појави во основа се условени од сложените фактори кои го детерминираат
современиот живот, кои меѓу другото имаат директно влијание врз однесувањето на
младите како посебна социо-биолошка група.
Кога станува збор за родовата застапеност на деликвентното однесување што го
манифестираат децата, познат е фактот дека учеството на момчињата во вкупниот број
случаи на малолетничка деликвенција е значително поголема во споредба со девојчиња.
Тоа генерално се должи на разликата што постои во психолошките карактеристики на
момчињата како и на девојчињата, но и на различното обликување на третман на
општествените улоги кои им припаѓаат на припадниците на двата пола.

Keywords:

малолетник/малолетници, фактори на ризик, малолетничка
деликвенција, деликвентно однесување, криминално однесување и дете.