Позитивни и негативни страни од експатријацијата во РСМ

Abstract

За да ги постигнат организациските цели, организациите честопати ангажираат
експатријати, кои треба да се прилагодат на новото опкружување за да го остварат својот
најдобар потенцијал. Истражувањата покажуваат дека успехот на приспособувањето не
зависи целосно од способноста за адаптација на експатријатите, туку и од други
надворешни фактори за време на работното назначување. Целта на ова истражување е да
се добијат сознанија за тоа дали организациската култура, поддршката од организацијата и
професионалните компетенции на експатријатите го детерминираат нивното
прилагодување во земјата домаќин. Истражувачкиот примерок го сочинуваат 54
работници од нашата земја кои работеле како експатријати самоиницијативно или по
назнака на матичната организација. За собирање на податоците беа користени следните
мерни инструменти: Инструмент за оценување на организациска култура, Прашалник за
прилагоденост, Прашалник за перципирана организациска поддршка и Прашалник за
професионални компетенции. Добиените резултати покажаа дека постојат статистички
значајни разлики помеѓу експатријатите со различно ниво на работна, интеракциска и
генерална прилагоденост во однос на димензиите на организациските култури кои
доминираат во организациите во кои работат и во перципираната организациска
поддршка, како и статистички значајна разлика помеѓу експатријатите со различно ниво
на работна прилагоденост во однос на професионалните компентенции, додека разлики во
професионалните компентенции не постојат помеѓу експатријатите со различни нивоа на
интеракциска и генерална прилагоденост.

Keywords:

експатријати, прилагоденост, организациска култура, организациска поддршка, професионални компетенции