Оценување и мерење на визуелно внимание – увид во когнитивни процеси

Abstract

Во современиот бизнис, сè повеќе и повеќе компании се одлучуваат за
невромаркетинг кој може многу да им помогне во истражувањето на пазарот, желбите
и потребите на потрошувачите. Невромаркетинг претставува комбинација на
невронаука и маркетинг. Со користење на невровизуелизација, т.е. слики,
истражувачите со визуализација на мозокот можат да откријат дали рекламните
пораки и кампањи од компаниите се ефектини и до кој степен. Иако сè уште
невромаркетингот е ново поле во науката, има заинтересирани многу научници,
истражувачи, компании, но и потрошувачи.
Oвој магистерски труд се состои главно од 3 делови и тоа: теоретски, методологија
на истражување и анализа. Трудот започнува со воведен дел каде што се објаснува за
почетоците на маркетингот и за невронауката. Додека во теоретскиот дел се објаснува
што е тоа невромаркетингот, што може да се постигне со невромаркетингот како
наука. Во овој дел се опфатени и методите со кои може да се врши истражување во
невромаркетингот. Исто така, во овој дел е детално објаснета методата eye-tracking
(следење на очите). Оваа метода е објаснета поради тоа што со оваа метода ќе се врши
истражување и ќе бидат прикажани резултати и анализи. Во делот на методологија на
истражување ќе биде наведена методата и целокупното истражување како е извршено.
Во третиот дел ‒ анализа ќе бидат прикажани резултатите од истражувањето. И на
крај во заклучокот ќе бидат дадени мислењата за невромаркетингот како наука и ќе
бидат објаснети анализите од истражувањето.

Keywords:

невромаркетинг, маркетинг, неврологија, невропсихологија,
невронаука, невромаркетинг-методи, психологија