Интерактивен маркетинг моќна алатка за малите и средни компании

Abstract

Развојот на новите технологии и интернет-револуцијата доведоа до развој на
интерактивен маркетинг, кој се манифестира како двонасочна комуникација со
адаптирана понуда и разбирање на потрошувачот како партнер. Денес
потрошувачите имаат поголема улога во маркетинг-процесот. Тие станаа поактивни
и знаат што сакаат, меѓусебно комуницираат и разменуваат критики и предности за
одредени производи или услуги. Компаниите почнаа да инвестираат повеќе во
онлајн форми на маркетинг кои се интерактивни и бараат акција од потрошувачите.
Со оглед на популарноста на интернетот, мобилните телефони и социјалните
мрежи, потрошувачите станаа достапни во секое време без временски и просторни
ограничувања. Тие сакаат да бидат вклучени во процесот на креирање производи
и услуги, па компаниите преку комуникација и партнерство со потрошувачите,
развиваат производи или услуги за потрошувачите однапред познати, што на крајот
резултира со значителни заштеди.

Keywords:

маркетинг, интерактивен маркетинг, кариера.мк