Улогата на судијата и адвокатот во граѓанската постапка во упатувањето на странките на медијација

Abstract

Правото на пристап до независен и непристрасен суд е фундаментално право кое
обезбедува доверба во правосудниот систем и ја заштитува правдата и словото на законот.
Сепак, судовите се соочуваат со разни предизвици кои можат да влијаат на нивната
независност и ефикасност: судството до одреден степен станува заложник на сопствениот
успех.1 За да се надминат овие предизвици и да се осигура правилно функционирање на
правосудниот систем, потребни се непрекинати реформи, како и почитување на принципите
на владеење на правото и независноста на судовите. Исто така, активна улога на граѓаните,
граѓанското општество и стручната јавност во промовирањето и одржувањето на
независноста како и независноста на судството, е од суштинско значење.
Од друга страна зголеменото траење на судските постапки и способноста на правната
професија (судии и адвокати) да одговорат на системски промени и прилагодувања можат
значително да влијаат на пристапот на граѓаните до правдата и довербата во правосудниот
систем.2 Затоа граѓаните поттикнуваат начини за избегнување на долготрајни судски
постапки и решавање на своите спорови преку алтернативни методи. Изнаоѓањето на нови
начини за решавање на проблемите и подобрување на пристапот до правдата е непрекинат
процес што бара ангажирање на сите заинтересирани страни.
Пристапот до правдата не треба да биде ограничен само на судските инстанции поради што
ревитализацијата и приспособувањето3 на правниот систем, правните институции и
правната професија кон современите барања и потреби се критични за обезбедување на
ефикасен и справедлив правосуден систем

Keywords:

правна професија, судскa пoстaпкa, правосуден систем,
aлтeрнaтивни мeтoд зa рeшaвaњe спорови (ADR).