Улогата на јавната администрација во процесот на донесување на одлуки во единиците на локалната самоуправа во Република Северна Македонија

Abstract

Целта на овој труд е да се разбере процесот на донесувањето одлуки во локалната
самоуправа во Република Северна Македонија ставајќи акцент на улогата на локалната
администрација. Ќе се истражува состојбата на локалната администрација, организациската структура, квалификациите, стручноста, компетентноста како и други
фактори кои влијаат на процесот на одлучување во локалната самоуправа. Методологијата
на истражувањето се заснова на квантитативна анализа на прашалници и анализи на
документи релевантни за предметот на истражувањето. Направени се анкети со вработени
во општините во Источниот регион во Р.С Македонија. Во однос на улогата на
администрацијата во одлучувањето како процес, има потреба од промена на
организациската структура и вклучување на работни места кои ќе придонесат во
донесување квалитетни одлуки. Затоа неопходно е да се инвестира во подобрување на
внатрешната комуникација и транспарентноста на информациите меѓу државниот
службеник. Тоа е од суштинско значење за администрацијата да ја сфати својата улога
како важна алка во процесот на одлучување преку анализа и статистика за барањата на
граѓаните, на причини за одредени состојби, како и соодветни насоки за надминување на
сите пречки.

Keywords:

администрација, одлучување, процес, управување, ефикасност