Успехот на дигиталниот персонализиран маркетинг и етичката употреба на личните податоци

Abstract

Појавата на дигитализацијата доведе до тоа дигиталниот маркетинг да
стане дел од нашето секојдневие. Во споредба со традиционалниот маркетинг, дигиталниот маркетинг има мерлива и двонасочна комуникација, која
традиционалниот маркетинг ја нема. Преку мерливоста се добиваат податоци кои
покажуваат дали маркетингот или одредена кампања била успешна. Терминот
персонализиран маркетинг значи маркетинг ‘еден на еден’, односно преку него
компаниите доставуваат до своите корисници промотивна содржина приспособена
на секој корисник, односно клиент. Со цел да се процени ефективноста на дигиталниот персонализиран
маркетинг и етичката употреба на личните податоци, спроведена е анкета на 201
учесник, од кои 136 мажи, а 65 жени. Целта на истражувањето беше да се
процени успехот на дигиталниот маркетинг и етичката употреба на личните
податоци. Податоците за истражувањето беа собрани преку онлајн анкета која
беше составена со помош на анкета на Google Forms. Резултатите од
истражувањето го потврдија успехот на дигиталниот персонализиран маркетинг и
етичката употреба на личните податоци меѓу учесниците во истражувањето.

Keywords:

маркетинг, дигитален маркетинг, персонализиран маркетинг, етичка употреба на податоци