Фактори кои влијаат на бројот на повреди на работните места

Abstract

Безбедноста на работа и здравјето е мултидисциплинарно подрачје-склоп на
техника, физика, медицина, организација, хемија и др. Заштита при работа односно
безбедноста и здравјето при работа како збир на мерки, нормативи и стандарди
пропишани за создавање на безбедносни услови за работа претставува уставна категорија. Безбедноста и здравјето при работа со нашата легислатива е концептирана како
составен дел на организацијата на работата и на работниот процес и врз таа основа се
обезбедува за секој работник и за секоја корисна работа, без оглед на видот и сложеноста
на работата, што е во согласност со уставното начело за правото на секој вработен на
заштита при работа. Правото за здравје и правото за безбедност на работа се универзални
човекови и работни права. Неспорно е дека секоја работа, во поголем или помал степен, носи ризик и опасност по здравјето и животот на работникот. Од клучно значење е да се утврдат факторите кои негативно влијаат на безбедноста
и здравјето при работа и врз основа на тоа да се донесат соодветни мерки и политики со
кои ќе се намали негативниот ефект од истите. Секако овие мерки и политики мора да
бидат прилагодени на различните дејности и на различниот интензитет на работа.

Keywords:

повреда, несреќа, безбедност при работа