Дефинирање на клучните параметри на управување со компетенциите на човечки ресурси за креирање на безбедна работна средина

Abstract

Задачата на оваа магистерска теза е да ги дефинира клучните параметри за управување со
компетентноста на човечките ресурси за креирање на безбедна работна средина. Зборот
компетентност значи квалификуван, способен, додека компетенциите претставуваат збир
на знаења, ставови и вештини кои влијаат на конечниот резултат.
Компетентноста игра значајна улога во квалитетот и системот за управување со
квалитетот при креирањето на безбедна работна средина. Компетентноста на
организацијата се состои од посебни знаења и вештини кои постојат во рамките на
организацијата, таа е тесно поврзана со интелектуалниот капитал, кој е важен да се развие
за да се постигне конкурентна предност на пазарот. Човечките ресурси со своето знаење,
способности, вештини и компетенции се клучен фактор за успешно работење на секоја
компанија.
Управувањето со човечките ресурси е тежок и постојан процес, а мојата задача е да
истражам и дефинирам кои се клучните параметри кои се применуваат при управувањето
со компетентноста на овие ресурси.

Keywords:

компетенции, организациска компетентност, човечки ресурси,
параметри за управување со компетентноста на човечките ресурси