Истражување на несреќи во рударско-енергетски комбинат

Abstract

Несреќите на работното место претставуваат значителна закана за
вработените, но и за работодавците, предизвикувајќи физичка штета, емоционална
вознемиреност и финансиска загуба. Исто така, несреќите на работното место не се
само изолирани настани, туку претставуваат критична врска каде се вкрстуваат
човечките животи, економската стабилност и организацискиот интегритет. Меѓу
овие опасности лежи императивот за итната потреба да се испитаат, да се разберат и
да се ублажат факторите кои предизвикуваат такви катастрофи.
Во овој труд предмет и цел на истражувањето беше да се согледа бројот на
повреди во рударско-енергетските комбинати, односно термоелектраните и
рудниците за јаглен и факторите кои влијаат на нив, со цел да се предвидат можни
мерки кои можат да се применат и преземат од страна на работодавачите и
работниците за да се намалат или спречат. Од направената анализа се заклучува дека
постојат значителни ризици за повреди во термоелектраните и рудниците за јаглен,
со што се докажува генералната хипотеза.

Keywords:

несреќа на работно место, инцидент, безбедност на работно место