Влијанието на оценувањето на перформансите врз ангажираноста на вработените

Abstract

Секоја организација тежнее кон постигнување на совршенство, било да е тоа во
поглед на остварените резултати од продажбата, извонредни приходи или лансирање на
нов производ на пазарот. За да се оствари оваа цел главната улога ја имаат лидерите во
организацијата, коишто треба да ја поттикнат извонредноста. За да се постигне ваквата
перформанса, пред се, лидерот треба да поседува карактеристики на ефективен водач.
Ефективен водич е личност којашто шефува со една група на подредени. Подредените би
се опишале како следбеници или членови на тимот, кои се под контрола на некој друг и
група под авторитетот. Наједноставно, лидерот е личност која ги води и подучува другите,
а следбеник е личност која го прифаќа учењето на некој друг. Улогата на лидерот во
организацијата е да овозможи раст и развој на организацијата и на вработените што ги
супервизира. На овој начин ќе се овозможи учинокот на лидерот и подредениот да се
оптимизира, а со тоа ќе се обезбеди максимална придобивка и за организацијата и за
клиентите.
Вработените се најважниот, но и најскапиот ресурс на компанијата, бидејќи се
поврзани со компанијата и конкурентската предност. Затоа, најважно е добро да се
управува со овој ресурс, којшто ќе помогне на компанијата да ја однесе на највисоко ниво.

Keywords:

лидер, перформанси, способност, вработени, наградување, оценување,
моќ, менаџирање