Улогата на CISO, системскиот софтвер и свеста и културата за ИТ-безбедност за зголемување на сајбер-безбедноста во организацијата

Abstract

Во денешно време, бизнисот треба да ја разбере безбедноста на
информациите не само на ниво на свесност, туку и на ниво на планирање,
буџетирање и имплементација. Интегрирањето на безбедноста на информациите
во деловните процеси станува предуслов за одржлив бизнис. Опасностите и
компјутерските напади кои се насочени и кон организациите во корпоративниот
свет и кон оние од јавниот сектор, бараат специјалисти кои ќе се фокусираат и ќе
сносат одговорност за безбедноста на информациите. Ширината и сложеноста на
оваа област бара стручност и искуство и постојана волја за стекнување нови
знаења. Политичките одлуки и произлезеното законодавство се во прилог на
формалните барања за спроведување на одредени активности во областа на
информациската безбедност.
Тоа само по себе дава дополнително значење и обврска.
Систематизацијата на позицијата менаџер за информациска безбедност (CISO)
претставува одговор на горенаведените барања, а стручноста и сложеноста на
активностите со кои треба да се занимава горенаведениот експерт претставуваат
предизвици кои бараат постојано и доживотно учење.

Keywords:

менаџер за безбедност на информации, класифицирани
податоци, безбедност на информации, управување со ризик, ISO/IEC 27001,
контроли, безбедносен инцидент, криптографија, закон, ранливост, управување со
ранливост, политика за безбедност на информации, правилник, процедури