Јавните установи како организационен облик на јавни служби

Abstract

Современото живеење и функционирањето на општеството во целина не може да се
реализира без постоењето и работењето на јавните служби. Под општиот поим јавна служба
се подразбира збир на услуги коишто им се неопходни на сите граѓани во општеството.
Преку овие јавни служби се создаваат механизми на централно и локално ниво за
задоволување на заедничките потреби на граѓаните кои се дел од организираното
општество.
Терминот установа или институција потекнува од латинскиот збор instituere, што во
превод означува нешто да се постави, односно нешто да се основа. Јавните установи, како
организационен облик во рамките на едно организирано општество, внесуваат стабилност,
ред и поредок и овозможуваат задоволување на потребите на граѓаните. Јавните установи
доколку се разгледуваат во една историска конотација, слободно можеме да потенцираме
дека се огромна цивилизациска придобивка, како за општеството во целина, така и за
поединците.

Keywords:

служба, граѓани, установи, јавни служби, потреби.