Тешки дела против безбедноста во сообраќајот

Abstract

Секој возач е должен да води сметка за безбедноста во сообраќајот и со посебно
внимание да постапува кон другите учесници во сообраќајот. Секој учесник во сообраќајот
е должен да се однесува совесно и да се придржува на сообраќајните прописи, со цел со
своето однесување да не попречи, загрози или да не повреди некој учесник во сообраќајот.
Исто така, неопходно е да се преземат сите мерки за да се избегнат или евентуално отстранат
опасните ситуации кои се предизвикани од други учесници во сообраќајот. Под загрозување
на безбедноста во сообраќајот се подразбира секое непочитување на сообраќајните прописи
од страна на учесникот во сообраќајот со кое се загрозува јавниот сообраќај и се доведува
во опасност животот и телото на другите. Значи, последицата на ова кривично дело е двојна
и се гледа во настапување на телесна повреда или предизвикување на поголема имотна
штета

Keywords:

Казни, мерки, полиција, возило.