Ингеренции на локалната самоуправа од уставот на рсм и улогата на зелс за инвестициски европски фондови во општините

Abstract

Овој труд ја анализира локалната самоуправа како уставно-правен конструкт во Република Северна Македонија и нејзината улога во процесот на користење на европските финансиски инструменти, со посебен осврт на Инструментот за претпристапна помош (ИПА). Истражувањето се фокусира на уставната поставеност на општините, границите на нивната автономија и механизмите на државен надзор, како и на институционалната и функционалната поврзаност меѓу локалната власт и европските политики.
Посебно внимание е посветено на улогата на Здружението на единиците на локалната самоуправа (ЗЕЛС) како механизам на колективна локална акција и посредник меѓу централната власт и општините во процесот на програмирање и имплементација на европските фондови. Преку анализа на нормативната рамка, споредбена европска практика и релевантни институционални извештаи, трудот ја оценува способноста на локалните власти да ја трансформираат уставната автономија во ефективен инструмент за развој.
Заклучокот укажува дека успешната интеграција на општините во европските финансиски механизми зависи од степенот на институционална зрелост, координација со централните власти и формализирано учество на локалните актери во процесите на програмирање. Локалната самоуправа не претставува само административна категорија, туку клучен носител на демократска легитимност и територијален развој во контекст на европската интеграција.

Keywords:

локална самоуправа, уставна автономија, децентрализација, државен ЗЕЛС, европски фондови