Дизајнирање и имплементирање зона на чист воздух во урбана средина

Abstract

Од причини што постојано сме сведоци на секојдневна изложеност на населението на опасни загадувања, сè повеќе се посветува внимание на здравата животна средина. Од тие причини, неопходно е да се превенира изложеноста на луѓето на таквото загадување и затоа е потребно да се откријат навреме, да се детектираат и измерат вредностите и нивоата на полутантите од изворите на загадување.
Поради нераскинливата врска помеѓу луѓето и животната средина, воздухот што го дишеме, водата што ја пиеме, храната што ја јадеме и енергијата што ги напојува нашите домови и бизниси, потребно е сите ние да се потрудиме да ја заштитиме животната средина.
Во овој магистерски труд предмет и цел на истражувањето е да се извршат мерења на концентрациите на загадувачи на две локации (РМ2.5 и РМ10 честички, јаглерод диоксид (СО2), формалдехид (НСНО), температура и влажност на воздухот) во затворена непроветрена просторија и на раскрсница на прометни булевари во Скопје, по што е направена компаративна анализа на добиените резултати. Резултатите докажаа дека постои разлика во концентрацијата на загадувачите на воздухот во затворена непроветрена просторија и на раскрсница на прометни булевари.

Клучни зборови: дизајнирање, загадување, зона на чист воздух