Малолетничката делинквенција во РСМ со посебен акцент на територијата на Струмица

Abstract

Малолетничката делинквенција претставува значаен социјален и правен предизвик кој бара мултидисциплинарен пристап во неговото проучување и надминување. Во овој труд се анализираат причините и факторите кои влијаат врз појавата на делинквентно однесување кај младите, вклучително семејните, образовните, социјалните и психолошките аспекти.
Истражувањето се заснова на анализа на релевантна научна литература, национални и меѓународни извештаи, како и на податоци од институциите во Република Северна Македонија, со посебен акцент на регионот на Струмица.
Целта е да се согледа комплексноста на феноменот, да се утврди состојбата со малолетничката делинквенција и да се дадат насоки за подобрување на превентивните и ресоцијализациските политики.

Клучни зборови: малолетничка делинквенција, криминологија, превенција, ресоцијализација