Влијанието на училишната клима врз анксиозноста кај учениците во средното образование

Abstract

Трудот ја анализира поврзаноста меѓу училишната клима и анксиозноста кај учениците во средното образование. Во контекст на доцна адолесценција, психолошката благосостојба на младите е чувствителна на фактори, како: безбедноста, односите, наставната практика и институционалната средина. Анксиозноста претставува чест психолошки предизвик што може да влијае врз академските постигнувања и социјалната адаптација на учениците. Целта на ова истражување е да се утврди дали и до кој степен училишната клима делува како заштитен или ризик-фактор за појава и интензитет на анксиозност. Методологијата вклучува употреба на квантитативни (анкети, скали) и дел квалитативни техники, при што ќе се анализираат корелациите и претпоставките во однос на надмоќта на четирите димензии на училишната клима врз анксиозноста. Резултатите имаат научна и практична важност, со потенцијал да понудат насоки за создавање интервенции и предлози за унапредување на училишната клима, како и намалување на анксиозноста кај адолесцентите.