Перфекционизам, анксиозност и резилиентност кај млади: анализа на меѓусебна поврзаност и полови разлики

Abstract

Целта на ова истражување е да се испитаат релациите меѓу перфекционизмот, анксиозноста и резилиентноста кај младите лица, како и да се анализираат половите разлики во нивното изразување. Истражувањето беше спроведено на примерок од 130 млади на возраст од 18 до 26 години, од кои 60 машки и 70 женски. За мерење на психолошките конструкти беа користени три валидирани инструменти: FMPS-SF (скала за перфекционизам), GAD-7 (скала за анксиозност) и CD-RISC-10 (скала за резилиентност). Анализите покажаа значајна позитивна поврзаност помеѓу перфекционизмот и анксиозноста, како и негативна поврзаност меѓу маладаптивниот перфекционизам и резилиентноста. Исто така, беа идентификувани значајни полови разлики: жените покажаа повисоки нивоа на маладаптивен перфекционизам, додека мажите изразија повисоки нивоа на анксиозност. Разликите во резилиентноста не беа статистички значајни. Резултатите укажуваат на сложена динамика меѓу испитуваните психолошки варијабли и потенцираат потреба од родово сензитивен пристап во психолошката поддршка на младите.